XAKEKO TALDEKAKO LURRALDEARTEKO EUSKAL LIGA 2012.
LEHENENGO
MAILA.
SESTAO NATURGAS ENERGIA B: BETIEREKO
TXAPELDUN BIHURTZEKO BIDEAN.
Sestao Naturgas Energia B taldeak berriz irabazi
zuen Euskal Ligako Lehenengo Mailako titulua. Merezimendu osoz: Donibane Kirol
Elkartea bigarren sailkatuarekin berdindu zuen eta gainontzeko neurketa guztiak
irabazi.
Bere
jokalarien jarduna hauxe izan zen:
Javier Aguera Naredo (2.360): 2 puntu 2 partidatan
(% 100).
Sergio Trigo Urquijo (2.230): 5 puntu 8 partidatan (% 6250).
Carlos Nava Pereda (2.275): 65 puntu 8 partidatan
(% 8125).
Ivan Alonso Alonso (2.153): 55 puntu 7 partidatan
(% 7857).
Alex Rodriguez Gonzalez (2.047): 55 puntu 8
partidatan (% 6875).
Javier Marchena Hurtado (1.980): 3 puntu 3 partidatan
(% 100).
Jokalari
gutxi erabili zuen Sestaoko bigarren taldeak baina etekin bikaina eman zuten.
Sergio Trigok lehenengo mahaian zailagoa zuen eta horregatik bere portzentajea
apalena izan zen eta, hala ere, % 6250ekoa. Carlos Nava ederki aritu zen eta
beste hainbeste Ivan Alonso.
Dena
den, B taldea izanik igotzerik ez duenez, datorren urtean berriz arituko da
Lehenengo Mailan. Agian, hirugarren aldiz jarraian irabazteko.
DONIBANE KIROL ELKARTEA: BIGARREN
SAIKAERAN, OHOREZKO MAILARA.
Nikolai Ninov (2.508): Puntu bat partida batean (% 100).
Roi Reinaldo Casti๑eira (2.469): 8 puntu 9 partidatan (% 8889).
Ruslan
Pogorelov (2.412): 2 puntu 2 partidatan (% 100).
Jose Maria Hernando Rodrigo (2.320): 35 puntu 4 partidatan (% 8750).
Ignacio
Martinez Fernandez de Arcaya (2.224): Puntu bat partida batean (% 100).
Borja Zamarbide I๑arrea (2.190): 25 puntu 6 partidatan (% 4167).
Ivan
Tetimov (2.038): 5 puntu 6 partidatan (% 8333).
I๑igo
Montoya Irigoyen (2.042): 05 puntu partida batean (% 50).
Javier
Perez Marchal (1.857): 3 puntu 6 partidatan (% 50).
Roi
Reinaldoren gidaritzapean eta jokalari sorta indartsuarekin Donibane Kirol
Elkarteak Ohorezko Mailarako bidea egin zuen. Ez zen gauza izan titulua
irabazteko, baina bere bigarren saiakeran igoerako helburua eskuratu du.
Roi
Reinaldok bere maila bikaina erakutsi zuen. Jose Maria Hernando Rodrigo
fitxaketak 4 partidatan 35 puntu garrantzitsu erdietsi zituen. Ivan Tetimov
gaztea ere izugarri ondo aritu zen. Borja Zamarbide eta Javier Perez Marchalen
ekarpen apalagoak bigarren tokian bukarazi zion.
ZORNOTZA: IGOERA, BEHAR ZUEN
UNEAN KOLPEA EMANDA.
Bost
jokalari soilik erabilita Zornotza onenen artean aritzeko txartela lortu zuen.
Zazpigarren
txandan igoerarako hautagaitza argia aurkeztu zuen Zornotzak, Arrasate-Arlutz
aurkari zuzena 0-4 zapaldu eta gero.
Azkeneko
bi txandetan ez zuen hutsik egin, nahiz eta ongi sailkaturiko taldeak aurrean
izan (Donibane Kirol Elkartea eta Kultur Sustapena). Beraz, aurkari zuzenen
aurka igoera lortu zuela erran daiteke.
David
Diez Fraile (2.184): 5 puntu 9 partidatan (% 5556).
Luis
Javier Arias Garcia (2.167): 65 puntu 8 partidatan (% 8125).
Pablo
Padilla Cabero (2.167): 5 puntu 8 partidatan (% 6250).
Ceferino
Sierra Lopez (2.011): 3 puntu 7 partidatan (% 4286).
Jose
Martin Albo Ruiz (1.890): 2 puntu 4 partidatan (% 50).
Jokalarien
estatistika aztertuta, Luis Javier Arias Garcia nabarmentzen da. Pablo Padillak
% 6250eko portzentaje ona egin zuen. Lehenengo mahaian David Diez Frailek
partida bakarra galdu zuen.
ARRASATE-ARLUTZ: EROSO ARITU
ZEN.
Posizio
erosoan ibili zen Txapelketa osoan. Zornotzak egin zuen azkeneko bultzada
bezalakoa falta izan zitzaion Ohorezko Mailara itzultzeko.
KULTUR SUSTAPENA: IGO-JAITSI
JOKOAN SARTUTA.
Lehenengo
Maila oso gogorra da. Ez baduzu igoera lortzen, ez jaisteko arriskua duzu.
Horrela ibili zen Kultur Sustapena azkeneko txandan. Azkenean, puntu bat
Urnietaren gainetik geratu zen.
ORVINA B: OZTA-OZTA, BAINA
HELBURUA BETE ZUEN.
Javier
Sevillaren lan ona kenduta, kostatu zitzaien Orvinakoei puntuak batzea.
Azkeneko hiru txandetan gorakada ikusgarria eginda, maila mantentzea lortu
zuen.
URNIETA: AZKEN UNEAN,
JAITSIERA.
Urnieta
izan zen Orvina B-ren gorakadaren biktima. Azkeneko txandan Luis Ortega Fuentesek
Ruta de Europa B taldeko Juan Humbert Rodriguez Melendezen aurka galdu zuen,
faboritoa izan arren. 1-3ko garaipena ez zen nahikoa izan mailari eusteko,
puntu erdiagatik izan bazen ere.
OBERENA: INDARRIK GABE.
Azken
boladan indarra galdu du Oberenak eta Euskal Ligan ere nabaritu zuen.
Liga
osoan azkena ibili eta gero, azken momentuko susperraldiak bi talde aurreratzea
ekarri zion. Dena den, iragan hobea izanen du buruan.
RUTA DE EUROPA B: GOITIK
BEHERA AMILDUTA.
Orvina
B-ren alderantzizko bidea egin zuen. Ongi ez ibilita ere, mantentzeko borrokan
egonen zela ematen zuen. Azkeneko txandetan hondoratu zen, ordea.
BARAKALDO: BURUA JASO EZINIK.
Ohorezko
Mailan aritutako taldeak beste jaitsiera bat biz izan zuen. Merezita,
Txapelketa osoan berdinketa bat eta 8 porrot pilatu baitzituen.
2012-04-08.
Iturria:
Euskal Xake Federakuntza.